د دید خبري اژانس: د طالبانو د حکومت د کډوالو چارو وزارت د پنجشنبې په ورځ (د حمل ۶) په یوه مطبوعاتي اعلامیه کې اعلان وکړ چې له ۴۰۰ څخه ډیر افغان کډوال چې په پاکستاني زندانونو کې بندیان وو، په روانه اونۍ کې خوشې او هیواد ته راستانه شوي دي.
د مطبوعاتي اعلامیې له مخې، د دغو کډوالو له ډلې څخه ټولټال ۴۲۶ یې له خوشې کیدو وروسته د سپین بولدک له لارې افغانستان ته ننوتل. د کندهار ولایت د کډوالو او راستنیدونکو چارو ریاست د کډوالو د لیږد ریاست ویلي چې دا کسان د یوې ورځې څخه تر دوو میاشتو پورې په توقیف کې وو.
د چارواکو په وینا، د دې ادارې لخوا د ثبت او معاینې وروسته، کډوالو بشري مرستې ترلاسه کړې او بیا خپلو اصلي سیمو ته لیږدول شوي دي.
په وروستیو میاشتو کې له پاکستان څخه د افغان کډوالو د نیولو او راستنیدو پروسه زیاته شوې او اندیښنې یې راپورته کړې دي.