د دید خبري اژانس: ګارډین ورځپاڼې په یوه نوي راپور کې لیکلي چې د امریکا او صهیونیسټ رژیم لخوا د ایران په اسلامي جمهوریت باندې بریدونو نه یوازې دا چې اسلامي جمهوریت کمزوری کړی نه دی، بلکې تهران یې هم په یو ډیر سخت دریځ کې اچولی دی.
د ورځپاڼې په وینا، ایراني چارواکو په دې باور دي چې دوی د اوسنۍ جګړې د بایللو په حالت کې ندي، د واشنګټن لخوا د اوربند غوښتنې رد کړې دي. تهران ټینګار کوي چې د شخړې د بندولو لپاره هر ډول موافقه یوازې هغه وخت ممکنه ده کله چې د ایران په وړاندې د تکراري بریدونو د مخنیوي لپاره واضح او عملي تضمینونه ورکړل شي.
ګارډین دا هم څرګنده کړه چې ایران د ډونالډ ټرمپ د ځانګړي استازي سټیو ویټکاف لخوا لیږل شوي دوه پیغامونه رد کړي دي، چې د اوربند غوښتنه یې کړې ده.
دا دریځ ښیې چې تهران د امنیت او سیاسي تضمینونو ترلاسه کولو پرته د عملیاتو د بندولو او شخړې پای ته رسولو ته لیواله نه دی.