د دید خبري اژانس: د سعودي عربستان د دفاع وزیر د پاکستان د پوځ له قوماندان سره په لیدنه کې د سیمه ییز امنیتي وضعیت او له ایران سره د وروستیو تاوتریخوالي په اړه خبرې وکړې.
د سعودي دفاع وزیر خالد بن سلمان د پاکستان د پوځ له قوماندان عاصم منیر سره وکتل او د دواړو هېوادونو ترمنځ د سیمه ییز امنیتي وضعیت او دفاعي اړیکو په اړه یې خبرې وکړې.
د سعودي دفاع وزارت لخوا د خپرې شوې اعلامیې له مخې، دا غونډه د وروستیو سیمه ییزو پرمختګونو بیاکتنې او د ریاض او اسلام آباد ترمنځ د پوځي همکارۍ د پیاوړتیا لپاره ترسره شوه.
په دې غونډه کې د ایران سره د وروستیو تاوتریخوالي په اړه هم بحث وشو.
دواړو خواوو د ثبات او امنیت د ساتلو لپاره د سیمه ییزو هېوادونو ترمنځ د همغږۍ او همکارۍ پر اهمیت هم ټینګار وکړ.
سعودي عربستان او پاکستان په وروستیو کلونو کې نږدې سیاسي او پوځي اړیکې لري، او د دواړو هېوادونو چارواکي په منظم ډول د امنیتي مسلو او سیمه ییزو پرمختګونو په اړه مشورې کوي.