د دید خبري اژانس: د برښنا ملي شرکت اعلان وکړ چې د ایران اسلامي جمهوریت څخه د برښنا د پېرلو قرارداد د ۱۴۰۵ کال لپاره غځول شوی دی. دا تمدید د برښنا شرکت د اجرایوي رییس ملا عبدالحق همکار تهران ته د سفر په جریان کې وشو.
د برښنا شرکت په وینا، د ایراني چارواکو سره په دوه اړخیزو غونډو کې، د قرارداد غځولو سربیره، ملا همکار د برښنا د لېږد د زیربنا پراختیا او د دواړو هېوادونو ترمنځ د تخنیکي او انجینرۍ همکارۍ پراخولو په اړه هم خبرې وکړې.
شرکت ټینګار وکړ چې له ایران څخه د برښنا واردول به د افغانستان د برښنا شبکې اړتیاوو پوره کولو او راتلونکي کال کې د انرژۍ رسولو د دوام لپاره مهم رول ولوبوي.