د پاکستان پوځ د بلوڅ بېلتون غوښتونکو مشر کور ونړاوه
د دید خبري اژانس: د پاکستان پوځ د بلوچستان ایالت په نوشکي ولسوالۍ کې د بلوڅ بېلتون غوښتونکو مشر کور ونړاوه.
دا اقدام، چې د پاکستاني پوځ لخوا د ویډیو په خپرولو سره تایید شو، په بلوچستان کې د دې بېلتون غوښتونکو مشر د سیاسي او پوځي فعالیتونو د غچ په توګه اخیستل شوی.
د پاکستان حکومت تل د بلوڅ مخالفینو د بهرنیو دښمنانو سره د همکارۍ تور لګولی، په شمول د هند، او ادعا کوي چې په بلوچستان کې بېلتون غوښتونکي فعالیتونه د نوي ډیلي او کابل په ملاتړ ترسره کیږي.
په دې شرایطو کې، پاکستاني چارواکي دا ډول کړنې د “هند د بغاوت” برخه بولي او تل خپل ګاونډي هیوادونه د خپلو کورنیو مخالفینو د ملاتړ په تور یادوي.
څارونکي دا پیښه د بلوڅ بېلتون غوښتونکو ډلو پر وړاندې د فشار د زیاتوالي یوه برخه ګڼي او باور لري چې حکومت هڅه کوي د زور په کارولو سره د لاریون کوونکو غږونه خاموش کړي.