د طالبانو پلاوی د مخدره توکو پر وړاندې د مبارزې د پیاوړتیا لپاره اندونیزیا ته لاړ
د دید خبري اژانس: د طالبانو د حکومت یو اته کسیز پلاوی، چې مشري یې د کورنیو چارو وزارت د مخدره توکو پر وړاندې د مبارزې د دفتر مرستیال حسیب الله احمدي کوي، د مخدره توکو پر وړاندې د مبارزې د همکارۍ په اړه په یوه نړیواله غونډه کې د ګډون لپاره له کابل څخه د اندونیزیا پلازمینې جاکارتا ته روان شو.
د رسمي سرچینو په وینا، په پلاوي کې د کورنیو چارو وزارت د مخدره توکو پر وړاندې د مبارزې د مرستیال دفتر چارواکي او د عامې روغتیا وزارت استازي شامل دي، چې د دې سفر په جریان کې به د مخدره توکو د قاچاق سره د مبارزې او د روږدو کسانو لپاره د درملنې د پروګرامونو د ښه کولو په اړه د نړیوالې همکارۍ د پیاوړتیا په اړه په یوه ځانګړې غونډه کې برخه واخلي.
دا سفر په کابل کې د ملګرو ملتونو د مخدره توکو او جرمونو دفتر (UNODC) په رسمي بلنه ترسره شو او لګښتونه یې د جاپان حکومت ورکوي.
چارواکو وویل چې د دې سفر موخه د تجربو تبادله، نړیوال ملاتړ راجلبول او په افغانستان کې د روږدو کسانو د درملنې او مخنیوي پروګرامونو ظرفیت لوړول دي.