د دید خبري اژانس: د هیواد اقتصادي کمیسیون تصویب کړه چې بهرني پانګوال به افغانستان ته د ننوتلو په وخت کې د یو څخه تر لسو کلونو پورې د استوګنې اجازه ترلاسه کړي.
د طالبانو حکومت د اقتصادي مرستیال عبدالغني برادر په مشرۍ د افغانستان اقتصادي کمیسیون تصویب کړه چې بهرني پانګوال به په هیواد کې د پانګونې په بدل کې د یو څخه تر لسو کلونو پورې د استوګنې اجازه ترلاسه کړي.
اړونده کمیټو ته دنده وسپارل شوه چې د پانګونې د اندازې پراساس د استوګنې موده وټاکي او وروستی راپور وړاندې کړي.
دا هم تصویب شوه چې د TIR عملیات په ګمرکونو کې پیل شي او د لاله او صدف ښارګوټي د اقتصادي فعالیتونو د اسانتیا لپاره بیاکتنه شي.