په ختیځ آرام سمندر کې هوايي برید؛ د بخښنې نړیوال سازمان: امریکا قاتل دی
د دید خبري اژانس: د ختیځ آرام سمندر په یوه سیمه کې د امریکا د هوايي برید وروسته لږترلږه دوه کسان ووژل شول او یو کس ژوندی پاتې شو.
په ختیځ آرام سمندر کې هوايي برید؛ د بخښنې نړیوال سازمان: امریکا قاتل دی
د برید د قربانیانو یا عاملینو د هویت په اړه نور جزئیات نه دي خپاره شوي.
په ځواب کې، د بخښنې نړیوال سازمان نن (د دلو ۴مه) په یوه مطبوعاتي اعلامیه کې یو ځل بیا دا عمل “ښکاره وژنه” وبلله او د داسې عملیاتو د سمدستي بندولو غوښتنه یې وکړه.
د سازمان مطبوعاتي اعلامیه وايي: “یو ځل بیا، دا وژنه ده؛ روښانه او څرګنده ده. کانګرس ته ووایاست چې دا ودروي.”
سازمان د متحده ایالاتو له کانګرس څخه غوښتنه کړې چې د دې بریدونو د دوام مخنیوي لپاره مستقیم مداخله وکړي او د ښکیلو ادارو لپاره حساب ورکول ډاډمن کړي.
متحده ایالاتو تر دې دمه په آزاد سمندرونو کې د مخدره توکو د قاچاق په تور شاوخوا ۱۰۰ کسان وژلي او د وینزویلا ولسمشر او د هغه میرمن یې د نړیوال قانون څخه سرغړونه کې تښتولي دي.