د سویس د سکي په یوه تفریح ځای کې د اور لګېدو له امله ۴۰ کسان مړه او ۱۰۰ نور ټپیان شوي دي
د دید خبري اژانس: د سویس پولیسو اعلان وکړ چې د هیواد په یوه سکي تفریح ځای کې د اور لګېدو له امله لږ تر لږه ۴۰ کسان مړه او له ۱۰۰ څخه زیات ټپیان شوي دي، او د ژغورنې عملیات لاهم روان دي.
د سویس د سکي په یوه تفریح ځای کې د اور لګېدو له امله ۴۰ کسان مړه او ۱۰۰ نور ټپیان شوي دي
رویټرز د سویس د پولیسو په حواله راپور ورکړی چې د هیواد په یوه سکي تفریح ځای کې د اور لګېدو له امله بې ساري ناورین رامنځته شوی دی. د سیمه ییزو چارواکو په وینا، دې پیښې تر اوسه ۴۰ کسان وژلي او له ۱۰۰ څخه زیات یې ټپیان کړي دي، او احتمال لري چې د مړو شمېر لوړ شي.
د پولیسو په وینا، د ژغورنې ټیمونه د پیښې وروسته سمدلاسه سیمې ته رسیدلي، خو د اور لګېدو کچه او ستونزمن جغرافیایي شرایطو عملیات ستونزمن کړي دي. د اور لګېدو د لامل په اړه دقیق جزئیات لا نه دي خپاره شوي، خو رسمي تحقیقات پیل شوي دي.
د سویس د ژمي په یوه مشهور سیاحتي ځای کې د دې پیښې له امله په ټول هیواد او بهرنیو سیلانیانو کې ټکانونه راغلي دي. ځايي چارواکو له خلکو غوښتي چې د ژغورنې لارې خلاصې ساتلو لپاره له سیمې څخه ډډه وکړي.