د دید خبري اژانس: د طالبانو حکومت د بهرنیو چارو وزارت د سوریې په حمص ښار کې د شیعه ګانو پر جومات د ترهګریز برید په غندلو سره یوه اعلامیه خپره کړه او دا یې د انساني او اسلامي ارزښتونو خلاف عمل وباله.
د طالبانو د حکومت د بهرنیو چارو وزارت په اعلامیه کې ویل شوي چې د حمص په شیعه ګانو پر جومات د پرون ترهګریز برید چې لسګونه کسان یې ووژل او ټپیان کړل، په سختو ټکو غندل کیږي.
د قربانیانو له کورنیو سره د خواخوږۍ په څرګندولو سره، وزارت دا پیښه د سوریې د خلکو او ټولنې لپاره یوه لویه تراژیدي وبلله او د سوریې له حکومت او ملت سره یې خواخوږي څرګنده کړه.