په امریکا کې د ۱۸۰۰۰ شکمنو ترهګرو په لیست کې یوازې یو افغان
د دید خبري اژانس: د امریکا حکومت د شاوخوا ۱۸۰۰۰ مشکوکو ترهګرو په پټ لیست کې بیاکتنه ښیي چې یوازې یو افغان کډوال په لیست کې دی.
په امریکا کې د ۱۸۰۰۰ شکمنو ترهګرو په لیست کې یوازې یو افغان
د امریکا حکومت د شاوخوا ۱۸۰۰۰ مشکوکو ترهګرو په لیست کې یوازې یو افغان کډوال په لیست کې ثبت شوی دی.
دا شمېره د ځینو سیاسي چارواکو، په شمول د ډونالډ ټرمپ، د پخوانیو څرګندونو سره په ټکر کې ده چې افغان کډوال یې په ترهګرۍ تورن کړي وو.
جان شاه صافی یوازینی افغان دی چې په لیست کې ثبت شوی دی.
هغه په ۲۰۲۱ کال کې د افغان متحدینو د وتلو د پروګرام د یوې برخې په توګه امریکا ته داخل شو او د داعش د خراسان څانګې د ملاتړ او د وسلو د لیږدولو په تور تورن دی.
په دې وروستیو کې نیول شوي دوه نور افغان کډوال په لیست کې نه دي شامل شوي؛ یو یې په واشنګټن ډي سي کې د وسله وال برید او بل یې په ټګزاس کې د ځانمرګي برید ګواښ په تور تورن دی.
امنیتي چارواکي په دې باور دي چې ممکن دا کسان متحده ایالاتو ته له ننوتلو وروسته سخت دریځي شوي وي.
دې قضیو یو ځل بیا د بشري مکلفیتونو، د بیړني عملیاتو سرعت، او امنیتي ملاحظاتو د توازن مسله په متحده ایالاتو کې د پاملرنې لومړۍ برخې ته راوړې ده.