د ملګرو ملتونو هبیتات: د هرات لوی جومات د افغانستان د هویت او تاریخي ویاړ سمبول دی
د دید خبري اژانس: د ملګرو ملتونو د بشري میشت ځایونو دفتر (UN-Habitat) یوه اعلامیه خپره کړې چې د هرات لوی جومات (جامع مسجد) یې په افغانستان او مرکزي آسیا کې یو له خورا عالي او ارزښتناکو اسلامي اثارو څخه بللی او د دې تاریخي یادګار د ساتنې اړتیا یې ټینګار کړې ده.
د ملګرو ملتونو هبیتات: د هرات لوی جومات د افغانستان د هویت او تاریخي ویاړ سمبول دی
ملګرو ملتونو هبیتات د هرات لوی جومات، چې له ٨٠٠ کلونو څخه ډیر وخت دمخه جوړ شوی و، په افغانستان کې د ترټولو ښکلي او زړه راښکونکي اسلامي یادګار په توګه پیژندلی او د سیمې په کلتوري میراث کې ځانګړی ځای لري. دا تاریخي یادګار نه یوازې د اسلامي معمارۍ سمبول دی، بلکې د هرات د ښاري هویت یوه نه جلا کیدونکې برخه هم ده.
په اعلامیه کې ویل شوي چې د داسې تاریخي اثارو ساتنه د ښارونو د هویت، تاریخ او ویاړ په ساتلو کې مهم رول لوبوي او کولی شي د راتلونکو نسلونو او د دوی د تیر کلتوري ترمنځ اړیکه پیاوړې کړي.
د ملګرو ملتونو د بشردوستۍ ادارې دا هم یادونه کړې چې د هرات لوی جومات په څیر د تاریخي اثارو ساتنه او بیارغونه، د کلتوري ارزښتونو د ساتنې سربیره، کولی شي د دوامداره ښاري پراختیا، کلتوري ګرځندوی او په تاریخي ښارونو کې د ټولنیز یووالي پیاوړتیا کې مرسته وکړي.