د ديد خبري اژانس: پولیسو ویلي چې د اندونیزیا په جاکارتا کې په یوه دفتري ودانۍ کې د اورلګېدنې له امله لږ تر لږه ۲۰ کسان وژل شوي دي. دا پېښه د سې شنبې په ماپښين هغه وخت رامنځته شوه کله چې د اوه پوړیزې ودانۍ په لومړي پوړ کې یوه بیټرۍ وچاودېده او اور په چټکۍ سره پورته پوړونو ته خپور شو.
د اندونیزیا په یوه دفتري ودانۍ کې اورلګېدنې ۲۰ کسان ووژل
د مرکزي جاکارتا د پولیسو مشر سوساتیو پورنومو کونډرو وویل چې په قربانیانو کې پنځه نارینه او ۱۵ ښځې شاملې دي، چې یوه یې امیندواره وه. هغه زیاته کړه چې ډیری قربانیان سوځیدلي نه دي او احتمالاً د ساه بندۍ له امله مړه شوي دي. جسدونه د معاینې لپاره د پولیسو روغتون ته وړل شوي دي.
اور وژونکي لاهم د ودانۍ دننه د بند پاتې شویو خلکو په لټه کې دي. پولیسو ویلي چې دوی د شدیدې تودوخې او ګڼ لوګي له امله د پوړونو په سړولو تمرکز کوي.