چین د تاجیکستان له سرحدي کانونو څخه د خپلو اتباعو د ایستلو امر کړی
د دید خبري اژانس: په کابل کې د چین سفارت یو بیړنی خبرداری خپور کړ، اعلان یې وکړ چې ټول چینایي کارګران او شرکتونه چې د افغانستان-تاجکستان پولې ته نږدې په کانونو کې کار کوي باید سمدلاسه له سیمې ووځي.
چین د تاجیکستان له سرحدي کانونو څخه د خپلو اتباعو د ایستلو امر وکړ
په افغانستان کې د چین سفارت یو بیړنی خبرداری وروسته له هغه خپور کړ چې د افغانستان له لوري په یوه سرحدي برید کې درې چینایي کارګران ووژل شول، او له ټولو شرکتونو او کارګرانو یې وغوښتل چې د تاجیکستان له سرحدي سیمې ووځي.
دا برید تېره شپه د تاجکستان د ختلان ولایت د شمس الدین شاهین ولسوالۍ په “یال” سرحدي سیمه کې وشو. قربانیانو د تاجکستان په سویلي برخه کې د یوې سیمه ییزې کمپنۍ لپاره کار کاوه. یو کال مخکي، په سیمه کې ورته برید یو چینایي کارګر وواژه او څلور نور یې ټپیان کړل.
په کابل کې د چین سفارت ټینګار وکړ چې که خلک له خطر سره مخ شي، نو باید سمدلاسه له سیمه ییزو ځواکونو او سفارت سره اړیکه ونیسي او مرسته وغواړي.
دې پیښې د افغانستان-تاجکستان په پوله کې د چینایي پروژو او کارګرانو لپاره د امنیتي ګواښونو په اړه اندیښنې راپورته کړې دي.