د دید خبري اژانس: د امریکا د پوځ وزیر ډان ډري سکول په ابوظبي کې د روسیې له استازو سره ولیدل او نن، سه شنبه (د قوس ٤)، دا خبرې اترې د سولې پروسې د پرمختګ لپاره دوام لري.
په ابوظبي کې د روسیې له استازو سره د امریکا د پوځي چارواکي پټه غونډه
یو امریکایي چارواکي سي بي اس نیوز ته وویل چې ډري سکول د دوشنبې په شپه د څو ساعتونو لپاره د روسیې له پلاوي سره ولیدل او خبرې اترې به د سې شنبې په ورځ د “سولې خبرو اترو چټک پرمختګ” په هدف دوام وکړي.
د امریکا د پلاوي د نورو غړو جزئیات نه دي خپاره شوي.
مخکې له دې، ډري سکول، د امریکا د پلاوي د مشر په توګه، د نومبر په ۲۰مه د اوکراین ولسمشر ولادیمیر زلنسکي ته د کړکیچ د حل لپاره د واشنګټن نوی پلان وړاندې کړ او د نومبر په ۲۳مه په جینوا کې د امریکا او اوکراین په دوه اړخیزو مشورو کې یې برخه واخیسته.
دا غونډې د اوکراین د جګړې د پای ته رسولو او د ګوندونو ترمنځ د سولې خبرو اترو د پرمختګ لپاره د ډیپلوماتیکو هڅو په چوکاټ کې ترسره کیږي.