د دید خبري اژانس: د هند خصوصي سکتور سره په خپله وروستۍ اقتصادي غونډه کې، سرپرست حکومت د افغان سیکانو او هندوانو څخه وغوښتل چې هیواد ته راستانه شي او د بیارغونې او اقتصادي پراختیا په پروسه کې برخه واخلي.
د طالبانو رسمي بلنه سیکانو او هندوانو ته چی بیرته راستانه شي او په بیارغونه کې برخه واخلي
د سرپرست حکومت د صنعت او سوداګرۍ وزیر نورالدین عزیزي، د هند د سوداګرۍ او صنایعو د خونې له غړو سره په خپله غونډه کې، افغان سیکانو او هندوانو ته بلنه ورکړه چې هیواد ته راستانه شي او د افغانستان په بیارغونه کې برخه واخلي.
پدې غونډه کې، عزیزي د پانګونې د نویو کڅوړو په وړاندې کولو سره د افغانستان په اقتصادي وړتیا ټینګار وکړ او د هند په خصوصي سکتور یې غږ وکړ چې د تولید، وارداتو او صادراتو په سکتورونو کې خپلې پانګونې زیاتې کړي.
هغه زیاته کړه چې په اوسني وضعیت کې د نسبي ثبات له رامینځته کیدو وروسته، افغانستان چمتو دی چې د سیمې له هیوادونو، په ځانګړي توګه هند سره اقتصادي همکارۍ پراخه کړي، او هندي پانګه اچوونکي کولی شي په مختلفو پروژو کې مهم رول ولوبوي.
د صنعت او سوداګرۍ وزیر په افغانستان کې د سکانو او هندوانو د شتون تاریخي اهمیت ته هم اشاره وکړه او ویې ویل چې د دوی راستنیدل د ټولنیز جوړښت په پیاوړتیا او د اقتصادي پروګرامونو په پرمختګ کې اغیزمن کیدی شي.