د دید خبري اژانس: د ملګرو ملتونو پراختیایي پروګرام خبرداری ورکړی چې افغانستان اوس مهال د اروپا څخه د ډیرو راستنیدونکو کډوالو د جذبولو توان نلري، دا هغه موضوع ده چې د ځینو اروپایي حکومتونو لخوا د رد شویو کډوالو د بیرته راستنیدو لپاره د فشار له امله یې نوې اندیښنې راپورته کړې دي.
د ادارې سیمه ایز رییس کاني ویګناراجا وویل چې په ساحه کې حقایق ښیې چې د کډوالو ډله ایز بیرته راستنیدل “غیر عملي” دي ځکه چې د افغانستان اقتصاد سخت محدود دی او په نړیوالو مرستو کې کمښت د کډوالو د بیرته راستنیدو او بیا یوځای کیدو پروسه ستونزمنه کړې ده.
د ملګرو ملتونو د پراختیایي پروګرام په وینا، اوس مهال شاوخوا څلور نیم میلیونه افغان کډوال بیرته راستنیدو په حال کې دي.