د دید خبري اژانس: د ایران او طالبانو د حکومت د بهرنیو چارو وزیرانو نن په یوه ټیلیفوني اړیکه کې د تهران-کابل د همکارۍ او وروستیو سیمه ییزو پرمختګونو، په ځانګړې توګه د افغانستان او پاکستان ترمنځ د اړیکو په اړه خبرې وکړې.
سید عباس عراقچي او امیر خان متقي نن په یوه ټیلیفوني اړیکه کې د دوه اړخیزو اړیکو او سیمه ییزو مسلو په اصلي محورونو خبرې وکړې. عراقچي په سیمه کې د سولې او ثبات پر اهمیت او د ګاونډیو هیوادونو ترمنځ د نږدې مشورو پر دوام ټینګار وکړ.
متقي هم د سیمه ییزو مشورو هرکلی وکړ او د ایران د ډیپلوماتیکو هڅو ستاینه یې وکړه.