افغان سوداګرو د استانبول په نړیوال حلال نندارتون کې قوي شتون وښود
د دید خبري اژانس: ۴۴ افغان سوداګرو د استانبول په نړیوال حلال نندارتون کې ګډون وکړ، چې د زعفرانو، قیمتي ډبرو، لاسي صنایعو او وچو میوو په ګډون یې د صادراتو مختلف محصولات نندارې ته وړاندې کړل.
سږ کال په استانبول کې د “حلال نندارتون” نړیوال نندارتون کې د افغان سوداګرو پراخه ګډون وشو. نهه ځانګړي غرفې د افغان محصولاتو لپاره وقف شوې وې، پشمول د زعفرانو، قیمتي او نیمه قیمتي ډبرو، لاسي صنایعو، وچو میوو او غالۍ.
په استانبول کې د طالبانو د حکومت د صنعت او سوداګرۍ وزارت سوداګریز اتشه سید حماد هاشمي ټینګار وکړ چې د افغان سوداګرو فعال شتون کولی شي د افغانستان او ترکیې ترمنځ سوداګریزې اړیکې پیاوړې کړي او د نورو اسلامي هیوادونو سره د اقتصادي همکارۍ لپاره نوي فرصتونه رامینځته کړي.
د “حلال اکسپو” نندارتون به د “ASEL GROUP” شرکت لخوا د روانې میاشتې له ۲۶ څخه تر ۲۹ پورې ترسره شي.