د دید خبري اژانس: د ایران او روسیې د بهرنیو چارو وزیرانو په یوه ټیلیفوني اړیکه کې د طالبانو د حکومت او پاکستان ترمنځ د ډیپلوماټیکو اړیکو د دوام پر اړتیا ټینګار وکړ ترڅو اختلافات حل شي او سیمه ییز ثبات پیاوړی شي.
ایران او روسیه د طالبانو او پاکستان ترمنځ د دوامداره خبرو اترو غوښتنه کوي
د ډیپلوماټیکو سرچینو په وینا، دا اړیکه د ایران له لوري پیل شوې وه، او په کې د ایران د بهرنیو چارو وزیر عباس عراقچي او د روسیې د بهرنیو چارو وزیر سرګي لاوروف د کابل او اسلام آباد ترمنځ د اړیکو وروستي پرمختګونه وڅیړل.
د روسیې د بهرنیو چارو وزارت د یوې اعلامیې له مخې، دواړو وزیرانو د افغانستان او پاکستان په پوله کې د وروستیو ترینګلتیاو په اړه د اندیښنې په څرګندولو سره، له دواړو خواوو وغوښتل چې له هر ډول زیاتیدونکو اقداماتو څخه ډډه وکړي او د خبرو اترو او همکارۍ له لارې توپیرونه حل کړي.
په دې خبرو اترو کې د سیمه ییز امنیت، په نړیوالو چوکاټونو کې د ایران او روسیې همکارۍ او د ترهګرۍ او مخدره توکو د قاچاق سره د مبارزې لپاره د ګډو هڅو پورې اړوند مسلو باندې هم بحث وشو.