د دید خبري اژانس: د افغانستان د برېښنا شرکت (برېشنا) د هېواد په شمالي، شمال ختیځ او ختیځو ولایتونو کې د کاسا-۱۰۰۰ د برېښنا د لیږد پروژې د پام وړ پرمختګ اعلان کړ؛ یوه پروژه چې افغانستان ته به په کلني ډول ملیونونه ډالر عاید راوړي او له قرغزستان او تاجکستان څخه به پاکستان ته ۱۳۰۰ میګاواټه برېښنا انتقال کړي.
په افغانستان کې د کاسا-۱۰۰۰ د سیمه ییزې پروژې د پام وړ پرمختګ
د برېښنا په وینا، په افغانستان کې د کاسا-۱۰۰۰ پروژې اسانتیاوې د شیرخان کندوز بندر څخه تر ننګرهار-تورخم پورې د ۵۸۰ کیلومتره اوږدوالي سره غځېدلې دي او د ۱۴۰۴ هجري لمریز کال تر پایه پورې به بشپړې شي.
دا مهمه سیمه ییزه پروژه، پداسې حال کې چې سویلي آسیا ته دوامداره برېښنا برابروي، د افغانستان لپاره به د پام وړ اقتصادي او عایداتي فرصتونه رامینځته کړي. برېښنا اعلان وکړ چې د پروژې د پلي کولو پروسه د زیربناوو د ښه کولو او په هیواد کې د برېښنا د لیږد لارې چمتو کولو په تمرکز سره دوام لري.
د برېښنا د لېږد سربېره، د کاسا-۱۰۰۰ پروژه به د سیمه ییزې همکارۍ د پیاوړتیا او د هیواد د دوامداره اقتصادي پرمختګ په برخه کې مهم رول ولوبوي.