د دید خبري اژانس: د ترانسپورت او هوايي چلند وزارت د هوا پېژندنې ادارې یو نوی خبرداری خپور کړی، چې نن او سبا د هیواد په لسو ولایتونو کې د درنو بارانونو او سیلابونو احتمال اعلانوي.
د لسو ولایتونو لپاره خبرداری؛ د سیلابونو احتمال
د طالبانو د ترانسپورت او هوايي چلند وزارت د هوا پېژندنې ادارې د یکشنبې په ورځ، د میزان په ٢۷مه، د هیواد په ځینو برخو کې د درنو بارانونو او سیلابونو احتمال خبرداری ورکړ.
د راپور له مخې، نن او سبا به د نورستان، کونړ، لغمان، ننګرهار، کاپیسا، پنجشیر، پروان، لوګر، خوست او پکتیا ولایتونه د باران شاهد وي، چې په زیانمنونکو سیمو کې به د سیلابونو احتمال هم وي.
دې ادارې وړاندوینه کړې چې په دې ولایتونو کې به د باران کچه د ۱۰ او ۲۵ ملي مترو ترمنځ وي.
د هوا پېژندنې چارواکو له خلکو، په ځانګړې توګه د غرنیو سیمو او د سیندونو په اوږدو کې د اوسیدونکو څخه غوښتنه کړې چې د احتمالي تلفاتو او زیانونو د مخنیوي لپاره احتیاطي تدابیر ونیسي.