د خوړو نړیوال پروګرام: په افغانستان کې د بشري بحران د حل لپاره په بیړني ډول ۵۶۸ ملیون ډالرو ته اړتیا ده

د دید خبري اژانس: د خوړو نړیوال پروګرام (WFP) نړیوال سازمان خبرداری ورکړی چې د راتلونکو شپږو میاشتو لپاره د ژوند ژغورنې مرستې ته د دوام ورکولو لپاره په بیړني ډول ۵۶۸ ملیون ډالرو ته اړتیا لري. که نه نو، په ملیونونو افغانان د لوږې او د ژوند ژغورنې مرستو څخه د محرومیت له خطر سره مخ دي.

د خوړو نړیوال پروګرام: په افغانستان کې د بشري بحران د حل لپاره په بیړني ډول ۵۶۸ ملیون ډالرو ته اړتیا ده
د خوړو نړیوال پروګرام (WFP) اعلان کړی چې سخت خوارځواکي، تکراري وچکالۍ او له ایران او پاکستان څخه د افغان کډوالو راستنیدو افغان کورنۍ د پخوا په پرتله په ډیر بحراني حالت کې اچولي دي.

د خوړو نړیوال پروګرام ټینګار کړی چې روان اقتصادي او د اقلیم بحران زیان منونکي کورنۍ تر سخت فشار لاندې راولي او د نړیوالې ټولنې بیړنۍ ملاتړ خورا مهم دی.