د ملګرو ملتونو د بشري حقونو شورا: موږ د غزې خلکو ته ناکام یو
د دید خبري اژانس: د ملګرو ملتونو د بشري حقونو عالي کمیشنر ولکر ترک، په جینوا کې د ملګرو ملتونو د بشري حقونو شورا ٦٠مه غونډه کې په خپله وینا کې، د غزې د وضعیت په اړه جدي خبرداری ورکړ، ویې ویل: “موږ د غزې خلکو ته ناکام یو.”
د ملګرو ملتونو د بشري حقونو شورا: موږ د غزې خلکو ته ناکام یو
هغه ټینګار وکړ چې نړیواله ټولنه د انسانیت پر وړاندې د جرمونو د مخنیوي په برخه کې په خپله دنده کې پاتې راغلې او زیاته یې کړه: “د نسل وژنې د مخنیوي لپاره پرېکنده ګامونه چیرته دي؟”
ولکر ترک، د ځینو اسراییلي چارواکو په دریځونو په کلکه نیوکه وکړه، ویې ویل: “زه د لوړ پوړو اسراییلي چارواکو لخوا د فلسطینیانو د نسل وژنې، سپکاوي او غیر انساني کولو د ژبې د خلاصې کارونې څخه ویره لرم.”
په غزه کې د کړکیچ انساني اړخونو ته په اشارې سره، هغه وویل: “غزه نن ورځ په یوه هدیره بدله شوې ده.”
د ملګرو ملتونو د بشري حقونو عالي کمیشنر دا هم یادونه وکړه: “نړیواله ټولنه باید د انسانانو د وقار او اساسي حقونو په وړاندې خپل مسؤلیت په غاړه واخلي.”