ملګرو ملتونو په افغانستان کې د زلزلې قربانیانو لپاره پنځه میلیونه ډالر بیړنۍ مرستې ځانګړې کړې

د دید خبري اژانس: په افغانستان کې د ملګرو ملتونو مرستندویه پلاوي (یوناما) اعلان وکړ چې تر اوسه یې د افغانستان د زلزلې قربانیانو سره د مرستې لپاره د خپل بیړني مرستې صندوق څخه پنځه میلیونه ډالر ځانګړي کړي دي.

په افغانستان کې د دې ادارې دفتر ټینګار وکړ چې د زیانمنو خلکو سره د مرستې هڅې روانې دي، خو شته سرچینې د بحران سره د بشپړې مقابلې لپاره کافي نه دي.

د ملګرو ملتونو عمومي منشي انتونیو ګوتریس، د نورو مرستو غوښتنه کولو پرمهال، یادونه وکړه چې “ملګري ملتونه او زموږ شریکان د بیړني مرستې چمتو دي او د فنډ څخه لومړني پنځه میلیونه ډالر ځانګړي شوي دي.”