د دید خبري اژانس: سیمه ییزو پاکستاني چارواکو اعلان وکړ چې د انګور اډې له لارې د افغان کډوالو د راستنیدو پروسه پرته له کومې ستونزې دوام لري.
په سلګونو افغانان د انګور اډې له لارې هېواد ته ننوځي
ډاون ورځپاڼې د پاکستاني چارواکو په حواله راپور ورکړی چې تر اوسه پورې سلګونه افغان وګړي له پولې اوښتي دي او د راستنیدو ټوله پروسه د امانتدارۍ حکومت تر څارنې لاندې په چټکۍ او سیستماتیک ډول ترسره کیږي.
ځینو کورنیو وویل چې دوی شاوخوا څلور لسیزې په جنوبي وزیرستان کې ژوند کاوه، خو اوس اړ شوي چې ووځي.
یو سپین ږیری کډوال چې په سترګو کې یې اوښکې وې وویل: “موږ دلته [پاکستان] ډېر ښه وخت تېر کړ.” “د نږدې څلوېښتو کلونو ژوند کولو وروسته، موږ نه غواړو چې ووځو، خو قانوني فشارونه موږ اړ باسي چې بیرته افغانستان ته راستانه شو.”