د ایران او افغانستان ترمنځ سوداګري ۸۴٪ زیاته شوې ده
د دید خبري اژانس: د ایران د جنوبي خراسان ولایت والي محمد رضا هاشمي اعلان وکړ چې دې ولایت د تیر کال په دویمه نیمایي کې افغانستان ته له ۱.۷۵ ملیارد ډالرو څخه ډیر صادرات کړي دي.
د افغانستان سره د ایران سوداګري ۸۴٪ زیاته شوې ده
هغه زیاته کړه چې د ایران د اقتصادي پلاوي له افغانستان څخه د لیدنې وروسته به په جنوبي خراسان کې دوهم سرحدي بازار فعال شي.
د هاشمي په وینا، د دواړو هیوادونو ترمنځ ګډه پوله به د دوامداره اقتصادي او امنیتي ظرفیت په توګه پیاوړې شي.
د تهران ټایمز د راپور له مخې، د ایران او افغانستان ترمنځ سوداګري په ۲۰۲۴ کال کې د تیر کال په پرتله ۸۴٪ زیاته شوې او ۳.۱۹۷ ملیارد ډالرو ته رسیدلې ده.
همدارنګه، د روان کال د جولای تر پایه پورې د دوغارون ګمرکونو له لارې د لیږد شویو توکو ارزښت له ۱.۶ ملیارد ډالرو څخه ډیر راپور شوی دی.
د دې احصایو پر بنسټ، جنوبي خراسان د ایران د ټولو صادراتو شاوخوا ۴۰٪ جوړوي.