سرپرست حکومت: په غزه کې د خبریالانو شهادت د بیان د آزادۍ ادعا کونکو لپاره یوه رسوايۍ ده

د دید خبري اژانس: د طالبانو سرپرست حکومت د غزې په تړانګه کې د صهیونیسټ رژیم وروستي بریدونه په کلکه وغندل، چې په پایله کې یې د پنځو خبریالانو په ګډون لږترلږه ۲۰ کسان شهیدان شول.

د طالبانو د سرپرست حکومت مرستیال ویاند حمدالله فطرت په یوه بیان کې دا عمل “بنسټیز تاوتریخوالی” وباله او ټینګار یې وکړ چې دا ډول بریدونه “د بیان د آزادۍ د ادعا کونکو” اعتبار په جدي توګه تر پوښتنې لاندې راولي.

په دې بیان کې، وروستي بریدونه “د فلسطین د مسلمانو خلکو په وړاندې د تنظیم شویو جرمونو” یوه برخه او د “نسل وژنې” یوه څرګنده بیلګه بلل شوې ده.

دا دریځ په داسې حال کې نیول شوی چې پرون د خان یونس په ناصر روغتون کې د اسراییلي رژیم دوه پړاویز برید پنځه خبریالان او څو مرستندویه کارکوونکي د نورو ملکي وګړو سره ووژل.