د دید خبري اژانس: د افغانستان مرکزي بانک اعلان وکړ چې په تیرو څلورو کلونو کې د افغانیو ارزښت د امریکایي ډالر په وړاندې ۲۱ سلنه لوړ شوی دی.
د مرکزي بانک ویاند حسیب الله نوري په یوه خبري کنفرانس کې وویل:
“د هدفمند پولي پالیسیو په پلي کولو او د بهرنیو اسعارو بازار په نږدې څارنې سره، موږ توانیدلي یو چې د افغانیو ارزښت د بدلون څخه خوندي کړو او د هغې د کمزوري کیدو مخه ونیسو.”
هغه زیاته کړه چې دا لاسته راوړنه د مرکزي بانک د پراخ پروګرام یوه برخه وه چې د مالي سیسټم پراخول، په ملي اسعارو د خلکو باور پیاوړی کول، او له نړیوالو ادارو سره همکاري زیاته کول دي.
مرکزي بانک همدارنګه ټینګار وکړ چې د بانکدارۍ سکتور پراختیا، مالي خدماتو ته لاسرسی زیاتول، او په ټول هیواد کې د اقتصادي فعالیتونو ملاتړ لپاره هڅې به دوام ومومي.