له افغانستان څخه ازبکستان ته د مخدره توکو قاچاق ناکام شو
د دید خبري اژانس: د ازبکستان امنیتي چارواکو اعلان وکړ چې نږدې ۸۰ کیلوګرامه مخدره توکي چې د افغانستان، تاجکستان او روسیې له لارې دې هیواد ته لیږدول کیدل کشف او ضبط شوي دي.
د ازبکستان د ملي امنیت خدماتو او سرحدي ځواکونو د راپور له مخې، د دې مخدره توکو لویه برخه د افغان قاچاق وړونکو لخوا وارد شوي.
د ازبک رسنیو په وینا، یوازې په فرغانه او سرخان دریا ولایتونو کې په عملیاتو کې ۵.۸۷۸ کیلوګرامه اپین او ۳.۹۲۲ کیلوګرامه چرس چې له افغانستان څخه لیږدول شوي وو، نیول شوي دي.
په ورته وخت کې، د سرخان دریا ولایت په اوزون ولسوالۍ کې، ازبک امنیتي افسرانو دوه ځوانان د ۲۰ کیلوګرامو څخه ډیر اپین او ۴۱ کیلوګرامه چرس له تاجکستان څخه د قاچاق پرمهال ونیول.
همدارنګه، د تاشکند په سیمه کې، نږدې ۸ کیلوګرامه صنعتي مخدره توکي “مفدرون” چې له روسیې څخه وارد شوي وو کشف شول.
د ازبک چارواکو په وینا، د عملیاتو په پایله کې څو ازبک اتباع نیول شوي دي.
په ټولیزه توګه ۷۹،۷۴۴ کیلوګرامه مخدره توکي نیول شوي دي.
دا پیښه یو ځل بیا ښیي چې افغانستان په مرکزي آسیا کې د مخدره توکو د اکمالاتو یو له اصلي مرکزونو څخه پاتې دی.