د عدلیې وزارت: د کرایې له ۱۰ سلنې څخه زیات زیاتوالی منع دی

د دید خبری اژانس: د سرپرست حکومت د عدلیې وزارت اعلان وکړ چې د کور مالکین اجازه نلري چې د تیر کال په پرتله خپل کرایه له ۱۰ سلنې څخه زیاته کړي.

دا پریکړه، چې موخه یې د کرایه کونکو ساتنه او د مالي ناوړه ګټه اخیستنې مخنیوی دی، د کرایې کنټرول ګډې کمیټې لخوا په خپله لومړۍ غونډه کې تصویب شوه.

د عدلیې وزارت خبرداری ورکړ چې د سرغړونې په صورت کې به قانوني اقدام وشي، او په سپین کاغذ کې غیر رسمي قراردادونه به د اعتبار وړ نه وي.