د دید خبري اژانس: د ملګرو ملتونو د ماشومانو وجهي صندوق (یونیسف) په یوه نوي راپور کې په افغانستان کې د ماشومانو د خوارځواکۍ د خطرناک وضعیت په اړه خبرداری ورکړی دی. د سازمان په وینا، په افغانستان کې شاوخوا ۳.۵ میلیونه ماشومان د سختې خوارځواکۍ سره مخ دي، چې له دې ډلې ۱.۴ میلیونه یې د مرګ له جدي خطر سره مخ دي.
د راپور په ځواب کې، د طالبانو په مشرۍ د حکومت د عامې روغتیا وزارت اعلان وکړ چې تر اوسه پورې ۲.۹ میلیونه ماشومان او میندې چې د خوارځواکۍ سره مخ دي په روغتیايي مرکزونو کې ثبت شوي دي، او د هغوی د درملنې لپاره له ۳۲۰۰ څخه زیاتو مرکزونو کې روغتیايي خدمات وړاندې کیږي.
یونیسف ټینګار وکړ چې په افغانستان کې د ماشومانو د روغتیا خرابیدل د نړیوالې ټولنې سمدستي غبرګون او پراخ ملاتړ ته اړتیا لري.