د روسیې او اوکراین ترمنځ حساسې خبرې اترې به نن شپه په استانبول کې پیل شي

دید خبري اژانس: د روسیې مذاکره کوونکی ټیم د اوکراین له لوري سره په مهمو خبرو اترو کې د ګډون لپاره استانبول ته روان دی.

غونډه به د ترکیې حکومت کوربه وي.

د ترکیې د ولسمشرۍ دفتر په وینا، ټاکل شوې ده چې د روسیې او اوکراین ترمنځ خبرې اترې په سیمه ییز وخت د ماښام په ۷:۰۰ بجو پیل شي.

خبري سرچینو راپور ورکړی چې استانبول د دې سیاسي غونډې کوربه توب ته بشپړ چمتو دی.

نړیوالو شنونکو دا خبرې اترې د دواړو هېوادونو ترمنځ د مخ په زیاتیدونکي تاوتریخوالي د پای ته رسولو لپاره د یو له مهمو هڅو څخه ګڼلې دي.