ديد خبري آژانس د کوچني اختر د رارسيدو په مناسبت د افغانستان ستر ملت ته د مبارکۍ پيغام ورکولو په ترڅ کې هيله لري چې دغه نيکمرغه اختر د هيواد په سرنوشت کې د بدلون او پرمختګ زمينه برابره شي.
زموږ هېواد افغانستان اوس له ژورو امنیتي، ټولنیزو، اقتصادي او فرهنګي ننګونو سره مخ دی او اوږدمهاله فقر، بې روزګاري، له ټولنې څخه د ښځو ایستل او د مذهبي او ژبنیو ډلو پر وړاندې تبعیض د ملت لپاره زمینه تنګ کړې ده.
ديد خبري آژانس په دی باور دی چی سياسي او ټولنيز تکثر کولاى شي هيواد له اوسني بحران څخه وژغوري او د ثبات او پرمختيا بنسټ برابر کړي.
یو ځل بیا د نیکمرغه کوچني اختر د رارسیدو په مناسبت د افغانستان ګرانو هیوادوالو ته د زړه له کومې مبارکي وړاندې کوو او هیله لرو چې د اختر ورځې په خوښۍ، امن او سوله کې تیرې شي.
