دید خبری آژانس د خبر له مخې: د کولمبیا د بهرنیو چارو وزارت په دغه هیواد کښې د اسرائیلو د رژیم له سفیر څخه غوښتی دی چې له کولمبیا څخه ووځی.
د کولمبیا د بهرنیو چارو وزارت بیا هم په دغه هیواد کې د اسرائیلو د رژیم له سفیر څخه غوښتي چې بښنه وغواړي او همدارنګه له کولمبیا څخه ووځي.
دا غوښتنه د کولمبیا د ولسمشر ګوستاو پیترو وینا ته د اسرائیلي رژیم د سفیر له غبرګون وروسته شوې ده.
د کولمبیا ولسمشر د حماس بریدونو ته د اسراییلو غبرګون د نازي جرمني حکومت لخوا د یهودانو له ځورونې سره پرتله کړ.
په تیرو لسو ورځو کښې اسراییلی رژیم په غزه کښې په بمباریو او د اوبو او بریښنا، د تیلو، درملو او ټول بشردوستانه شیانو په پرې کولو سره په زرګونو فلسطینیان شهیدان کړی دی.
اسراییلي رژیم تر اوسه د غزې د اقتصادي محاصرې د لیرې کولو لپاره د ملګرو ملتونو او بشري سازمانونو غوښتنې ته پام نه دی کړی.
په همدې حال کې ځینو هیوادونو چې د اسرائیلي رژیم ملاتړي دي هم د غزې د تړانګې له خلکو سره د بشري چلند غوښتنه کړې ده.
