دید خبري آژانس: د کاناډا د مهاجرت او تابعیت وزارت چارواکو ویلي، چې له متحده عربي اماراتو څخه یې ۱۹۲ افغان کډوال دغه هېواد ته لېږدولي دي.
د کاناډا د مهاجرت وزیر، شان فریزر، د جمعې په شپه (د سرطان ۲) په ټویټ کې وویل چې هغه د پناه غوښتونکو د لیږد لپاره د ښه چاپیریال په رامنځته کولو کې د متحده عربي اماراتو د همکارۍ ستاینه وکړه.
نوموړي ټینګار کړی، چې کاناډا ژمنه ده، چې د روان کال تر پایه به ۴۰ زره افغان کډوال کانادا ته انتقال کړي.
په افغانستان کې د طا-لبانو د واکمنۍ له رانسکورېدو وروسته په زرګونو افغان کډوال له دغه هېواده ووتل او په متحده عربي اماراتو کې د درېیم هېواد ته د تګ په هدف مېشت شول.
څو ورځې وړاندې کاناډا او متحده عربي اماراتو له متحده عربي اماراتو څخه د افغان کډوالو د لېږدولو هوکړه لاسلیک کړه.
د دغه تړون له مخې به شاوخوا زر افغان کډوال له متحده عربي اماراتو کاناډا ته ولېږدول شي.
ښځینه فعالانې، د بشري حقونو مدافعین، مذهبي اقلیتونه او خبریالان د کاناډا د بشري بیا میشتیدنې په لیست کې شامل دي.
د راپورونو له مخې، د کاناډا حکومت له ۱۴۰۰ راهیسې هغه هېواد ته څه باندې ۳۲ زره افغان کډوال لېږدولي دي.
