ډید خبري اژانس: د افغانستان لپاره د ایران سفیر او ځانګړی استازی وايي، د افغانستان لپاره یې د اروپايي ټولنې له ځانګړي استازي سره خبرې اترې کړې دي.
د افغانستان لپاره د ایران سفیر او ځانګړي استازي حسن کاظمي قمي نن شنبه (۲۸ دلو) په خپله اکس پاڼه کې لیکلي، چې د افغانستان په اړه یې د اروپايي ټولنې له ځانګړي استازي سره لیده کاته کړي دي.
قمي: د افغانستان په چارو کې د اروپايي ټولنې له ځانګړي استازي سره په نننۍ ناسته کې مو خبرې اترې ډېرې ګټورې وې. په ځانګړې توګه دې ته اشاره شوې چې که اروپا غواړي د افغانستان له خلکو سره مرسته وکړي، باید بشري مرستې د «سیمه ییزو اړیکو یرغمل» نه کړي.
دا غونډه د افغانستان په اړه د دوحې له غونډې یوه ورځ مخکې جوړه شوې وه.
