کابل او مزارشریف؛ په یوه ورځ کې درې چاودنې
د دید آژانس د خبر له مخې، د پنجشنبې په ورځ د هېواد مرکز کابل او په شمال کې مزارشریف د درېیو چاودنو شاهد وو او په کابل کې د لومړۍ چاودنې مسوولیت د ازادۍ جبهې په غاړه واخیست.
د پنجشنبې په سهار (جدي ۲۱) سرچینو ویلي چې د کابل په شمال کې د ۵۰۰ کورنیو د نوې پروژې په سیمه کې چاودنه شوې ده.
وروسته د ازادۍ جبهې د يوې اعلاميې په خپرولو سره د دې پېښې مسووليت پر غاړه واخيست او ادعا يې وکړه چې د طا-لبانو د موټرو کاروان يې په نښه کړى دى.
دغې جبهې په خپله خبرپاڼه کې ادعا کړې چې د طالبانو موټر هغه مهال په نښه کړل چې غوښتل یې نجونې بندیانې کړي.
دغه راز نن له غرمې وروسته شاوخوا ۳ بجې د کابل په لویدیځ کې دشت برچي په سیمه کې چاودنه وشوه.
ویل کېږي، چې دغه چاودنه د برچي مرکز بازار ته څېرمه شوې او د راپورونو له مخې په کې ۶ تنه وژل شوي دي.
درارسيدلو خبرونو له مخې دغه چاودنه دکبي ښار په لويديځ کې دښخ کړى شوي ماين له امله رامنځته شوې ده .
يو ساعت وړاندې د بلخ ولايت په مرکز مزارشريف ښار کې هم د چاودنې غږ واورېدل شو. د دې چاودنې نوعیت لا هم نه دی څرګند.
دغه چاودنه د مزارشريف ښار په لوېديځ او د څلورمې امنيتي حوزې په مربوطاتو کې شوې ده.
په مزارشريف کې عيني شاهدان وايي، سيمې ته امبولانسونه رسېدلي او ټپيان يې روغتون ته لېږدولي دي.