ډید خبري اژانس: د افغانستان لپاره د چین ځانګړي استازي په کازان کې د سیمې د هېوادونو وروستۍ غونډې ته په اشارې سره وویل، دې غونډې وښوده چې سیمه د افغانستان په اړه فکر کوي.
د افغانستان په چارو کې د چین ځانګړي استازي یو ژیاونګ د دوشنبې په ورځ (د میزان ۱۰مه) په خپله ایکس پاڼه کې لیکلي چې سیمه د افغانستان د بیارغونې او سولې لپاره رغنده هڅې کوي.
هغه لیکلي: د روسیې په کازان ښار کې د سپټمبر په ۲۹مه د افغانستان په اړه د مسکو د پنځمې دورې سلامشورې یو ځل بیا وښودله چې د سیمې هېوادونه د وضعیت په ثبات کې د مرستې، د بشردوستانه مرستو او په افغانستان کې د سولې او بیارغونې په برخه کې د رغنده هڅو په برخه کې مخکښ دي.
باید وویل شي، چې د مسکو غونډې په وروستۍ اعلامیه کې د ټول شموله حکومت پر جوړولو، د بشري حقونو او ښځو د حقونو په تامین او له ترهګرۍ سره پر مبارزې ټینګار کړی دی.
