دید خبرې آژانس: د کابل امنیه قومندانۍ ویاند خالد خدراڼ وايي، چې په تېرو درې میاشتو کې په پلازمېنه کې د جنايي جرمونو کچه ۸۵ سلنه ټیټه شوې ده.
ښاغلی ځدراڼ همدارنګه وايي چې د تښتونو پېښې هم صفر ته رسېدلې دي.
نوموړی زیاتوي، که څه هم د کابل په څېر ګڼ نفوسه ښار کې د جرمونو احتمال شته؛ خو د ده په باور، دا جرمونه اندېښمنوونکي نهدي.
د کابل د امنیه قومندانۍ ویاند په دې هکله وايي:«د جرمونو کچه په تېرو درې میاشتو کې، په بېسارې توګه ښکته راغلې ده، ویلی شم چې تر ۸۵ سلنې، له لومړۍ څخه تر اوسه پورې جرمونه کنټرول شوي دي او غله مو نیولي دي، اختطاف صفر ته راغلی دی. هغه لوی لوی بانډونه چې د پلان له مخې به یې غلاوې کولې ډېری یې ځپل شوي او نیول شوي دي.»
دا په داسې حال کې ده، چې تېره اوونۍ د کورنیو چارو او دفاع سرپرست وزیرانو او د استخباراتو لوی رییس د اسلامي امارت مشر ته خپل امنیتي راپورونه وړاندې کړل.
