دید خبرې آژانس: د ډيپلوماټ په نوم یوې خپرونې په یوه راپور کې وړاند وینه کړې چې، په ۲۰۲۵ کال کې به د کابل او تاشکند تر منځ اقتصادي اړیکې تر ټولو لوړې کچې ته ورسېږي.
د ډيپلوماټ خپرونې په وروستیو کې اشاره کړې چې تاشکند د کابل پر وړاندې خپل چلند له امنیتي تګلارې پر یوه داسې عملپالي بهرني سیاست بدل کړی چې پر اقتصاد تمرکز کوي.
د راپور له مخې، اقتصادي عوامل د افغانستان او ازبېکستان په اړیکو کې مهم رول لوبوي او دا کار به له امنیتي اندېښنو اقتصادي همکاریو ته پام اوښتو لامل شي.
دغې خپرونې دغه راز وړاندوینه کړې چې په ۲۰۲۵ کال کې به د کابل او تاشکند ترمنځ اړیکې خپلې تر ټولو لوړې کچې ته ورسېږي.
د اقتصاد وزارت مسلکي معین، عبداللطیف نظري بیا وايي: “د اسلامي امارت اړیکې د منځنۍ آسیا هېوادونو، په ځانګړې توګه ازبېکستان سره، په پرمختګ کې دي. زموږ او ازبېکستان ترمنځ پراخه اقتصادي، سوداګریزې او ټرانزیټي اړیکې شته چې د دواړو هېوادونو ګټې تأمینوي. موږ هڅه کوو چې د دواړو هېوادونو اقتصادي اړیکې هره ورځ تقویت شي.”
دغه راپور دغه راز څرګندوي چې د پراخو سیالیو له امله به تاشکند په افغانستان کې د خپل اقتصادي موقعیت د ساتلو او پیاوړتیا په برخه کې ل ننګونو سره مخ شي.
