د دید خبري آژانس د خبر له مخې، دغه چاودنه نن سهار پنجشنبی (د حمل ۲) شاوخوا ۸ بجې د کندهار ښار په لومړۍ امنیتي حوزه کې په شاوخوا کې رامنځ ته شوې ده.
ځايي سرچينې وايي، چاودنه د کندهار ښار د «نوي کابل بانک» مخې ته شوې او مرګ ژوبله يې اړولې ده.
د سرچينې د معلوماتو له مخې، مړي او ټپيان د دغه ولايت ميرويس روغتون ته لېږدول شوي دي.
د راپورونو له مخې په دې چاودنه کې ۸ تنه وژل شوي او یو شمېر نور ټپیان شوي دي.
د کندهار امنيتي چارواکو چاودنه تاييد کړې، خو د پېښې په اړه يې تر اوسه جزئيات نه دي ورکړي.
