د دید خبري آژانس د خبر له مخې د کابل امنیه قومانداني وايي، په دغه ولایت کې یې یو سړی او یوه ښځه د جعل کارۍ په تور نیولي دي.
د کابل ولایت د امنیه قومندانۍ ویاند خالد ځدراڼ وايي، د دوی ځواکونو د اتمې امنیتي حوزې په کارته نو سیمه کې یو سړی او یوه ښځه چې غوښتل یې جعلي طلا د اصلي سرو زرو په توګه وپلوري، نیولي دي.
دا په داسې حال کې ده چې په دې وروستیو کې په کابل ښار کې د جنايي جرمونو ګراف لوړ شوی دی.
خو د کابل امنیتي چارواکي وايي، په ښار کې د جرمونو د کچې د کنټرول لپاره هڅې کوي.
