په کابل کې د ۱۳ امریکايي پوځیانو د وژل کېدو د کلیزې په اړه د سپینې ماڼۍ اعلامیه
ډید خبري اژانس: سپینې ماڼۍ د کابل په هوايي ډګر کې د ۱۳ امریکايي پوځیانو د وژل کېدو د تلین په مناسبت ویلي، چې هېڅکله به د دغو سرتېرو د قربانیو جبران نه شي.
د امریکا ولسمشر جوبایډن له افغانستانه د وتلو پر مهال په تروریستي برید کې د وژل شویو پوځیانو د قربانیو قدرداني وکړه او ویې ویل چې د دی کورنیو په خدمت کې به پاتې راشي.
په خبرپاڼه کې د دوی د یاد په یادولو سره لیکل شوي: موږ هېڅکله د هغو ۲۴۶۱ امریکايي پوځیانو د نه جبرانېدونکې قربانۍ جبران نشو کولای چې په افغانستان کې د دوو لسیزو جګړو په ترڅ کې خپل ژوند له لاسه ورکړی او یا هم ۲۰۷۴۴ تنه ټپیان شوي دي.
بایډن په دغه بیانیه کې زیاته کړه: نن زه او جېل د هغو ۱۳ زړورو امریکايي پوځیانو او له سلو څخه زیات بې ګناه افغان ملکي وګړي چې د کابل هوايي ډګر په ابی دروازه کې په تروریستي برید کې ووژل شول یاد او ماتم کوو.
په ورته وخت کې، له افغانستان څخه د ګډوډۍ د وتلو له امله د بایډن پر ادارې سختې نیوکې دوام لري، بایډن یې په ځواب نه ورکولو تورن کړ.
ګڼ شمېر منتقدین او پوځيان چې په صحنه کې موجود دي وايي چې دوی کولای شي د دغه ترهګریز برید مخه نیولې وای، خو رهبري یې ناکامه شوې وه.
