د دید خبري آژانس د خبر له مخې راپورونه وايي، د کارته پروان په سیمه کې د هندوانو د ګوردواره مخې ته چاودنه شوې ده.
په ټولنیزو شبکو کې یوه ویډیو خپره شوې چې ښيي د کارته پروان په سیمه کې د هندوانو د ګوردواره د دروازې مخې ته چاودنه شوې ده.
د دغې پېښې مرګ ژوبله او لاملونه يې تر اوسه نه دي په ډاګه شوي.
خو ویل کیږي چې پیښه د یوې بمي چاودنې له امله رامنځته شوې ده.
څه موده وړاندې په کارته پروان کې د هندوانو او سکهانو معبد د ځانمرګي برید هدف و چې داعش یې پړه پر غاړه واخیسته.
له هغه وروسته د هند حکومت پرېکړه وکړه چې ټول هندوان او سکهان له افغانستانه وباسي.
