په کابل کې د دا/عش د یوې مهمې شبکې غړي د طا-لبانو لخوا ونیول شول
دید خبرې آژانس: د طا-لبانو استخباراتو ته نږدې یوې رسنۍ «المرصاد» په یوه راپور کې ادعا کړې، چې طا-لب ځواکونو تېره اوونۍ (د چنګاښ په ٢٠ نېټه)د کابل په پنځمه حوزه کې د ځانګړو عملیاتو په ترڅ کې د دا/عش د یوې مهمې شبکې څو غړي نیولي دي.
خو طا-لب چارواکو تر دې مخکې له ځینو بهرنیو چارواکو سره په خبرو کې ویلي چې دوی په افغانستان کې دا/عش«له منځه وړي» دي.
خو طا-لبانو ته د نږدې یوې رسنۍ د راپور له مخې، په دغه پټنځای کې یوه زیاته اندازه چاودېدونکي توکي، وسلې او مهمات هم کشف شوي، چې د دې ډلې په وینا د محرم پر مراسمو يې د «وژونکو بریدونو» پلان درلود.
طا-لبان ادعا کوي چې د دغه پټنځاى مسٶل يو افغان دى چې له يوې پاکستانۍ ښځې سره واده کړى او له روزنې وروسته افغانستان ته لېږدول شوى.
د رسنیو په راپور کې ویل شوي، هغه بریدګر چې څو میاشتې وړاندې یې د کابل په کوټه سنګي سیمه کې د شیعه خلکو یو موټر په نښه کړی و، هم نیول شوی دی.
د طا-لبانو استخباراتو ته نږدې دغه رسنۍ همداراز لیکلي چې: «توقیف شویو کسانو په پاکستان کې د یو شمېر دیني عالمانو، مدرسو، مخالفو څېرو او سیاستوالو نوملړ ترلاسه کړی چې داعش پرې د برید نیت درلود او یو شمېر یې تر برید مخکې وژلي وو.»
د دغه راپور بربنسټ، طا-لبانو له بندیانو څخه په افغانستان او یو بل ګاونډي هیواد کې د اهدافو لېست هم ترلاسه کړی دی.
دا په داسې حال کې ده، چې د افغانستان د امنیت د څار ادارې په خپل تازه راپور کې ویلي چې دا/عش خراسان یوازې په تېرو درېیو میاشتو کې په ټول هېواد کې شپږ بریدونه ترسره کړي دي.
