په کابل کې احتمالي مظاهرې
په پلازمینې کابل ښار کې د احتمالي تظاهراتو په اړه د کابل ګانیزیون قومانداني وایي، د تظاهراتو او اعتصابوتو د قانون پر بنسټ، سولییز لاریون، اعتصابونه، او اعتراضي غونډې د خلکو حق دي.
خو کابل ګانیزیون وایي، چې د وروستيو تظاهراتو په ترڅ کې د نافذه قوانین څخه د سرغړونې له امله ګڼو کسانو ته ځاني او مالي زیانونه رسېدلي دي.
د کابل ګارنیزیون له خوا په خپرې شوې خبرپاڼې کې راغلي، چې د غونډو، اعتصابونو، او تظاهراتو د اووم مادې په مطابقت کې امنیتي بنسټونو ته باید مخکې خبر ورکړل شي ترڅو امنیتي ځواکونه وکولای شي د غونډو او تظاهراتو ځایونو او د خلکو لارو لپاره امنیتي تدابیر ونیسي.
خبرپاڼه زیاتوي، چې کابل ګارنیزین له معترضینو څخه غواړي چې د تظاهراتو په دوران کې د وسلو د لیږد او له ممنوعه سیمو څخه د جمهوري ریاست، ډیپلوماټیک ځایونو د وزیر محمد اکبر خان په ګډون، پوځي سیمو، روغتونونو، او سوداګریزو سیمو څخه د غونډو جوړلو او تظاهراتو څخه ډډه وکړي.
کابل ګارنیزیون په همدې حال کې خبرداری ورکوي، چې د سولییزو غونډو، اعتصابونو، او تظاهراتو له قوانینو څخه د سرغړونې په صورت کې مسوول به د تظاهراتو تنظیم کوونکي وي او د دغو کسانو هویت امنیتي بسټونو سره تثبیت دي.
دا په داسې حال کې ده چې نږدې یوه میاشت مخکې په پلازمینې کابل د المان سفارت ودانې ته څېرمه د خونړي برید وروسته سلګونو خلک د یاد برید په غبرګون کې واټونو ته راوتل او لاریون هغه مهال په تاوتریخوالي بدل شو چې مظاهره چیانو د ارګ لورته د تګ هڅه کوله.
د تاوتریخوالو په ترڅ کې د مشرانو جرګې لومړي نائب زوی سالم ایزدیار زوی هم ووژل شو خو د حکومت، معترضینو او د جمعیت اسلامي ګوند ترمنځ کړکیچ هغه وخت زور واخیست چې د سالم ایزدیار د جنازې په مراسمو کې پر له پسې ځانمرګي بریدونه ترسره شول او په ترڅ کې یو شمېر کسان ووژل شول او لسګونه نور ټپیان شول.
