اسلایدشوافغانستانبرگزیدهتر تولو مشهورروستي خبرونهمهم مطالبټولنه
په پروان کې ناپېژنده ناروغۍ/ شاوخوا ۵۰۰ کسان اخته شوي دي
دید خبرې آژانس: له څلورو ورځو راهیسې په پروان ولایت کې شاوخوا ۵۰۰ کسان په «ناپېژنده» ناروغۍ اخته شوي دي.
په پروان کې د طا-لبانو د والي وياند حکمت الله شميم وايي، دا ناروغي ساري ده او د يوه ځاى ډېر اوسېدونکي پرې اخته شوي دي.
د هغه په وينا، دغه کسان د دغه ولايت د شينوارو ولسوالۍ په دره کفشان کې په دې ناپېژندل شوې ناروغۍ اخته شوي وو.
هغه وايي چې په دې ولايت کې په دې ناروغۍ د اخته کسانو شمېر مخ په زياتېدو دى.
د راپورونو پر بنسټ، تر اوسه د دغې ناروغۍ له امله ۲ تنه مړه شوي او د ۵۰ تنو روغتیايي وضعیت نازک دی.
پروان کې د طا-لبانو د والي وياند د دغه ولايت د عامې روغتيا رياست په حواله ويلي، چې په دې ناروغۍ اخته کسان له جسمي معلوليت، د عضلاتو سخت درد، سخت اسهال او سختې تبې سره مخ وو.
