په ننګرهار کې یوې چاودنې دوه تنه وژلي او شاوخوا ۳۰ نور یې ټپیان کړي دي

د دید د خبری آژانس د خبر له مخې له ننګرهار ولایت نه په ترلاسه شوي خبر کې ویل شوي، چې د دغه ولایت په غني خېلو ولسوالۍ کې د ماین چاودنې له امله ۲ ملکي وګړي وژل شوي دي.

د ننګرهار د اطلاعاتو او کلتور ریاست وايي، د دوشنبې په ورځ (غبرگولی ۳۰مه) د ننګرهار ولایت په غني خېلو ولسوالۍ کې د یوې چاودنې له امله دوه ملکي وګړي وژل شوي او ۲۸ نور ټپیان شوي دي.
چاودنه نن سهار د شیرګر په بازار کې شوې ده.
د ننګرهار ولايت د اطلاعاتو او کلتور رياست وايي، چاودنه د مقناطيسي ماين له امله شوې او د غني خېلو ولسوالۍ د روغتون مسئول يې په نښه کړی دی.
ټپيان روغتون ته وړل شوي دي.
تر اوسه کومې ډلې یا فرد د دغې چاودنې مسئولیت پر غاړه نه دی اخیستی.
دا په داسې حال کې ده، چې پرون ماښام د کابل په خواجه بغرا سیمه کې چاودنه شوې، چې ګڼو کسانو ته یې مرګ ژوبله اړولې ده.