په فوټبال کې د افغانستان ستره بریا
د افغانستان د فوټبال د ۱۵ کلنو ځوانو لوبغاړو د مرکزي اسيا پنځو هېوادونو په وروستۍ لوبه کې ازبکستان ته ماتې ورکړه او دغه اتلولي يې خپله کړه.
د افغانستان د فوټبال فدراسيون وياند سيد علي کاظمي وايي، د پنځو هېوادونو دغه سيالي تېره اوونۍ پيل شوې وه او تېره شپه د افغانستان په ګټه پای ته ورسېده.
په دې سياليو کې د افغانستان، ازبکستان، تاجکستان او ترکمنستان د فوټبال لوبډلو ګډون درلود.
افغانستان په لومړۍ لوبه کې تاجکستان ته د يو پر ۳ ماتې ورکړه، دوهمه لوبه يې د قرغیزستان سره وه چې هغه لوبډله يې هم د يو پر درې ګولونو ماته کړه.
افغانستان فوټبال لوبډلې درېيمه لوبه له ترکمنستان سره وه، چې د صفر پر ۱ يې له ترکمنستان څخه ماتې وخوړه.
دغه راز د افغانستان لوبډلې وروستۍ لوبه د ازبکستان سره وه چې د ياد هېواد لوبډلې ته يې د يو پر ۲ ګولونو ماتې ورکړه او د مرکزي اسيا د پنځلس کلنو جام اتلولي يې وګټله.
د فوټبال مسئولين وايي، افغانستان د ۹ نومرو په ترلاسه کولو سره په دې سياليو کې لومړی مقام خپل کړ او بريالی شو.
